Ou mete mak ou

Chak jou se yon mèvèy
Koz ou fè pati de li
Mwen dezabitye ak krèy
Paske mwen wè lòt avni.
Zanmi m yo pa konprann
Map souri menm lèm poukò m
Mwen ak lanati nou vinn antann
Tout sa paske w vinn sou bò m

Chak maten se vwa w manvi tande
Avan solèy la kòmanse klere m
Chak swa avè w m ta renmen pale
Avan ke domi ta vinn nan je m.
Kabann lan pa konprann mwen
Chak mouvman fè l sispèk
Ke se avè w map panse, premye bèk
Mwen paka ba l manti,mwen san fren

Chak jès mwen yo konplemante
Solèy mwen yo ka espere lalin
Ou jis refè m santi ke m egziste
Depi lè ou pran plas nan vin
Lè mwen gad nan glas, m wèw
Ou tounen yon pati nan mwen
M pa anvi pèdi plas mwen nan kèw
San ou,pa gen chans pou m wè demen

Écrit par FD1